أناشيد للأطفال

أنا عصفور أخضر
أنا عصفور أخضر * * * أمشى عالحيط وأتمخطر
عندى حكاية زغنطوطة * * * مش أطول من الأثنين
كان فى فيل من غير زلومة * * * وأسد لكن له رجلين
عملوا للغابة حكومة * * * حكموها هما الأثنين
أول يوم كانوا أصحاب * * * اتفقوا على أهل الغابة
لكن بعد يومين أثنين * * * كانوا الأثنين متخانقين
لما الطباخ جه وسألهم * * * تاكل أيه عالعشا يا عظيم
قال الأول طبعا لحمة * * * رد الثانى لأ برسيم


كان فى أرنب

كان فى ارنب * طالع يلعب * بره البيت
لقى كتكوتة * رمت بسكوتة * جنب الحيط
خدها وكلها * قال أه يا بطنى * هاتموتنى
جوله صحابه * * وأدولوه حقنة
قال حرمت * أكل حاجة تانى * من الأرض


حواديت الكرنبة

شفت كرنبة مليانة حواديت * * * كل ورقة عليها حدوتة
أول واحدة عن الفلاح * * * اللى زرعها ولاكلهاش
والثانية حمال بحمار * * * شالها نقلها ولادقهاش
والثالثة حكاية السمسار * * * اللى وزنها ولاخسرهاش
حكايات ياما كتيرة كتار* * * فوازير محتاجة لتفسير
عن مين نحكى أو عن مين* * * من حواديت لها طعم حزين
لكن فى بعض الأحيان * * * مرة بتكمل الحدوتة
بالفرحة فيوم مالأيام
يوم ماتكلها بنت فقيرة * * * ويشبع منها طفل جعان


فصول السنة

اسمع اسمع اسمع وقول * * * السنة فيها أربع فصول
شتا وربيع * * * صيف وخريف
الشتا دايما المطر فيه * * * والبرد قاسى يا طول لياليه
أما الربيع أه ياجماله * * * دايما تتفتح أزهاره
أماالصيف يا عينى عليه * * * الشمس حامية قوى كده ليه
أماالخريف دايما زعلان * * * كل الشجر كده كده دبلان

اتمنى من الله أن تعجبكم وأنتظروا المزيد
:cheers: :cheers: :cheers: